Zirlai Tlangau

Zemabawk Students' Union Chanchinbu Kartin Chhuak

YMA Day programme kal zelah zemabawk branch YMA in ‘Zo-zân’ hmang

Dated : Zemabawk 23rd June, 2013 : Dt.15.6.2013(Inrinni) kha YMA Day vawi 78-na a ni a, Zemabawk leh Zemabawk North Branch YMA pawhin he hun hi an hmang. Kumin YMA Day Urlawk zan programme hman tura ruahmanna siam tawh chu khawtlangah chhiattawk an awm avangin programme hi \hulh a ni a, Zemabawk Branch YMA chuan YMA Day urlawk zana hman tura an tih chu Dt.18.6.2013(Thawhlehni) zan khan “Zo’z^n” programme hlimawm tak an hmang.
    Khawtlangah chhiattawk kan awm avangin Zemabawk Branch YMA chuan Inrinni chawhnu lam a\ang khan Govt. Zemabawk H/S Field-ah YMA Day lawmna hun an hmang a, hun leh hmunin a zir loh avangin Section hrang hrangte tana YMA Day Volleyball inelna pawh Dt.17.6.2013(Thawhtanni) tlai khan final khelh a ni. Mipa Final-ah hian Vankhama Section YMA chuan Vanapa Section YMA te hnehin an champion a, Hmeichhe lamah JF.Laldailova Section chuan Vanapa Section YMA hnehin an champion bawk.
    Dt. 14.6.2013(YMA Day Urlawk zan) hman tura duan tawh chu khawtlangah chhiattawk kan awm avangin Dt.18.6.2013(Thawhlehni) zan khan hman a ni. He hun hi H.Lalthianghlima, Vice President, ZYMA chuan a kaihruai a, Zochhuana, President, ZYMA hnen atangin thusawi ngaihthlak a ni a, YMA Member boral sunna hun, YMA Thuthlung sawirual, lawmpuina thilpek, report ngaithlak, lawmman semna hun hman a ni. Khawtlang hruaitu Local Council, MHIP, MUP, Mistiri Association, JAC hruaitute an tel tha hle a, Pu Davida, Chairman, Local Council chuan thusawina hun a hmang a, Zemabawk JAC chuan Zemabawka zirlaite tana Article/Essay inziahsiak lawmman semna hun an hmang nghal bawk.
    He hunah hian Section hrang hrang 11 atangin member YMA Hall-a lenglo khawp an pungkhawm a, section tin te atangin Pu Rokunga hlaphuah hrang hrangte ngaihthlak a ni a, vengchhung zaithiamte’n kalkhawmte zaiin an awi a, hun hlimawm tak hman a ni. Kum kaltaa an tih ang bawkin hemi zan hian member ten mizo thuam chi hrang hranga inthuamin ‘zo z^n’ hun an hmang a,  zanlai dar 12 pelh thlengin hun hman a ni.

Mizoram Census 2011
    India chhiarpui 2011-a mihring zat chu tihfel a ni ta a; Mizoramah mihring 10,97,206 an awm a, mihring zat atanga teha ziak leh chhiat thiam zat (literacy) chu 91.33% a ni. Mizoram bika primary census abstract chu nimin khan Aizawl Press Club-ah MJA president, C Lalrambuatsaiha’n a tlangzarh a, hei hi tihdanglam tawh loh tur, kum 2021 chhiarpui thlenga rin tawh tur a ni.
    Mizorama mihring zat 10,97,206 zingah hian mipa 5,55,339 leh hmeichhia 5,41,867 an ni a; kum 2001 atanga 2011-a mihring punna chu 23.48% a ni. India ram puma mihring zat chu 1,21,05,69, 573 (mipa 62,31,21,843 leh hmeichhia 58,74,47,730) a ni a, 2001 chhiarpui aia a punna chu 17.7% a ni. 2011 chhiarpuia provisional report lo tihchhuah tawhah chuan Mizorama mihring zat hi 10,91,014 a ni a, final report-ah hian mi 6,192-in an pun belh a ni.
    Mizorama district zingah,
Mamit district-ah

Click to add text, images, and other content