Zirlai Tlangau

Zemabawk Students' Union Chanchinbu Kartin Chhuak

Editorial/Vengchhung/Article Post New Entry


view:  full / summary

Editorial

Posted by Zirlai Tlangau on September 1, 2013 at 12:20 AM Comments comments (1)

Hmasawnna leh keini??!!

Hun inher danglam zelah tihdan leh nihphungte, landan te, awmdan te a lo danglam zel a. Ti ve thei a kan in ngaihna hmun apiangah kan phak ang tawk leh kan tih ang tawkah hmasawnna kan nei \hin. Phak lo leh ti ve theilo a kan in ngaih tlat chuan kan \han a kin thuai ang! Hmasawnna hian min umzui lo a, kan ban a kan umzui a ngai thung si a.

Thil \ha leh hmasawnna kan hmuh theihna tur a nih phawt chuan tih ve zel leh ban ve zel a hun ta viau. Veng dang te tih turah chauh kan dah emaw kan ngaih tlat chuan kan vengah hian mi dik, mi \ha, mi rinawm leh chhuanawm kan vang viau ang. Hmasawnna hmu tur chuan mi te dai ngailoh kan dai a ngai a, mi te sawisel pawh kan tawrh ngam a ngai fo \hin. Heng zawng zawng te hi kan paltlang ngam lo a nih chuan hmalam pan aiin kan hnungtawlh zel zawk thung ang.

Kan vengah hian zirna in tam tak a awm ve ta, mah se zirlai tam tak te hian mahnia ngaihdan leh ‘Ka thei ve a ni’ tih rilru pu an tam vakin a lang lo. Mi hruaina leh sah zauh sa-a kal a, mi hnung zui hnek hnek reng hi kan theih tawk niin a lang. Heng zawng zawng te hi Nu leh pa leh zirtirtu te hian hriain hma thar lak a hun tawh tak zet. Mi veng leh mi School te tih theih ang apiang ti ve thei tur leh ti ngam thei tura infuih a, in zirtir a hun ta. Mi veng leh mi school te tihdan la chhawng rengtu nih ai chuan kan tihdan hi mi veng leh mi school te lakchhawn theih a kan chhawpchhuah ve theih a hun ta! Huphurhna leh midang ngaihdan ringawt ven thawn reng hi hmasawnna hmelma lian tak a ni si a.

Article

Posted by Zirlai Tlangau on August 31, 2013 at 8:00 PM Comments comments (8)

                                                              GOVT. ZEMABAWK PRIMARY SCHOOL I LEH A KAWT ZAWL

-H. Zalawra,Chairman,

Sub-Committee, Tlang Veng Badminton Court, Tlang Veng Welfare Committee.

 

Tun \umah hian thu hlui tak mai Tlang Veng zawl ^na Zemabawka Zirna In (Sikul) upa ber leh a kawt zawl chanchin hriat ang ang han sawi ka tum a. He Sikul chanchin sawi rual hian ka’n sawi tel duh leh hriat chian duh chu he Sikul kawt zawl, Zemabawk Playground hmasaber chanchin leh tun thlenga a pawimawh dan hi a ni. He Tlang Veng zawl hi tunah phei chuan Field tih tham vak pawh a ni tawh lo a, mahse, tunhma tak meuhah chuan a lo pawimawh hle mai \hin a lo ni a. Sailo Lal lal lai, kan pi leh pute hun, tuna la dam hre phak tl>m t> chauh la awmte hnen a\angin kan han phawrh dawn a ni.

He Zemabawk Primary Skul hi a din \an kum chu 1926 hma lam kha a ni a, a kum chiah hriat a ni tawh lo. Kristian Kantu Pu Chalbuka’n a din a (He Sikul din \an kum hi Pu Lalchhuanmawia Hnamte, Zemabawk History 1890-2008 ziaktu chuan ‘1911 velah’ tiin a dah, p. 79). Pu Chalbuka hian Peri Sapin Mel Veng tih loh a hnawh darh kum 1926 vel khan Zemabawk chu a chhuahsanin, V^nch>ngt> khaw lamah a pemsan ta a. Hemi hnu hian Pu H^nga (H^ngpawla), Pi Khualzingi (L) pa chu Zirtirtu-ah a rawn \ang leh a. Ani hnuah hian Pu Dengkunga a rawn thawk ve leh a, ani pawh hian Kolasib lamah a pemsan ve leh a. Hemi hnu hian Pu Lama (L), Pi Sanghnuni pa-in Sikul chu 1931 thleng a kalpui ve leh a. Vanduaithlak takin 1932 a\ang chuan he Sikul hi a tawp rih ta tlat a ni.

Kum 1938-ah Pu Dengkunga, Durtlang khua, Pu Lalmawia, Compounder pa a lo awm ve leh ta a. Chuta \ang chuan he Skul hian chawl lovin tun hi a thleng ta a ni (Hei hi he Sikul-a pension thlenga thawk, Upa Lalbuaia’n Zemabawk mi hlun leh thil chik mi Upa Kailiana hnen a\anga a dawn, he Sikul Diamond Jubilee Souvenir-a a ziak p. 27 ami a ni). Kum 1938 chu he Sikul chawl loa a awm \an kumah pawm a ni tain 1998 khan a kum 60-na, DIAMOND JUBILEE lawm a nih kha. Tunah hian a kum 75-na a hmang mek ni awm a ni. 1932 a\anga 1937 kha khaihlak awm lo se zawng a Centenary kum kan hmang liam hial tawh awm asin!

He Skul hlun tak hi a tir berah chuan tuna Zokhawsang Veng, Pu Lalhmangaiha, S/o Pasena (L) in hmun velah khian din niin Pu C. Lalramliana, Venglai, heng hun lai hre pha leh r^wn tl^k tak chuan a sawi. A sawi zel danin a hnu lawkah ‘a awmna hi a han thlaler em mai’ tih thilah tuna Tlang Veng zawl ^na dah hi rawt a ni a. Chutih lai chuan tuna Skul dinna leh a kawt zawl hi Pi Sapchhawnkungi (Pi Laltlani pi), Pi Tlangkhumi (L) nute hmun-ram a ni a, tuna Pu Laldawngliana, IAS (Rtd.) te in bul kawngpui chin thleng hian. Tichuan, tuna Pu Zarzoliana, AMC Vice Chairman te in hmunah hian Sikul chu sak a ni ta a. Chutihlai chuan helai hmun hi Pu Mangchhuana (L), F/o R. Zahmingthanga Fu huan rauhsan tak a ni awm e. He hmun a\ang hian tuna UPC (NEI) Biak In thlang, Pu K. Vanlalmuana in hmunah hian Sikul chu sawn thlak a ni a (Helai Sikul-ah hian he thu ziaktu pawh hian ‘B’ Pawl a zir ve). Tichuan, he Skul hi tuna a awmnaah hian 1957 khan sawn a ni ve leh ta a. He hmuna sawn a nih dawn hian helai hmun neitu, a hma lama kan sawi tak Pi Sapchhawnkungi te chu khawtlangin an dil ta chawt mai a. Anni pawh chuan ‘Khawtlang tan a nih chuan’ tiin an remti thei ta mai a. Chutianga Sikul sak a nih dawn takah chuan helai hmuna awm Pi Sapchhawnkungi vahpa Pu Thanzama, tuna Field Venga awm chuan a insawn phah ta ngawt mai a ni. Tun hmaa kan khawtlang puitlin nana mi inphal te hi an ropuiin hriat reng a \ha ngawt mai, tunlai hun ni se zangnadawmna nuai engzat tak ngai ang maw? Hei mai hi a la ni lo, tuna helaia Tankylian (A dik takah chuan ‘Tank’ a ni mai a, Mizo hian English word hi kan belh/modify a, ‘tanky’ tiin ‘y’ kan belh a ni. Tin, Indian hian ‘issue’ tih hi a noun siam nan ‘issuance’ kan ti bawk. Nakinah chuan English-ho pawh hian an la pawm mai thei) hunna hi Pi Sapi, ama la dam lai ngeia tuia mipui chawm nana Sorkar-in an dil a pek a la ni deuh deuh tih hi hriat zui ve a \ha khawp mai.

Tichuan, helai tuna a dinnaah hian Zemabawk Primary Skul chuan khaihlak leh bahlah awm tawh lovin tluang takin zirtirtu fel tak tak enkawlna hnuaiah tun hi a thleng ta a ni. Khuaah mi kan pung zel a, 1969-ah chuan P/S dang a lo pian tak avangin he Skul hi ‘Zemabawk Govt. Primary School I’ tih a ni ta a. Tunah phei chuan Govt. P/S hi 4 lai kan nei ta a nih hi.

Tichuan, he Sikul a\ang hian 1968 thleng kha chuan he khuaa naupang zawng zawng hian thiamna kan lo paw chhuak \hin ti ila a dik mai awm e. Kei pawh hi he Skul-ah hian ‘B’ Pawl a\angin Pawl thum thleng (1956-1959) ka zir ve a. Ka kal ve laia kan Zirtirtu pahnihte kha an thawk dun boruak kha a \ha ngawtin ka hria. Basic Training chhuak ve ve ngat an ni bawk a. Head Teacher zawk Pu Rochungnunga kha sipai bang (Ex. Havildar Clerk ni tain ka hria), discipline thu-a duhthusam, ama fapa ngei Sikul-a a duh anga awm lo vuak tuma a um zak zak lai te mitthlaah a la awm reng mai, Sikul naupang dang tan chuan a thu awih loh chi a ni lo. Infiam mi, chulama a naupangte kilkawi peih em em mai a ni a. Sikul kawt zawlah hian Hockey hi a hovin kan khel nasa em em a, a thiam pawh kan thiam kher mai. Thansanga, tuna Zemabawk North L/C Chairman, Pu Lalthanpuia Khawlhring pate-a hian Cup (6 inches emaw lek kha) a chhuah a, Team insiamin kan han inchuh mai \hin a; chung lai chuan a hluin a ropui \hin asin! 1959 khan khatih laia Zirna lama Zoram hotupa ber DIS chuan Primary Skul tan Tournament (Hockey) a siam hlauh mai a. Kan Skul chu kan chhuak ve a le, tuma’n min chelh hek lo, Final-ah Dawrpui P/S nen kan intum tur chu an Head Teacher Pu Rualkhuma (Upa R. Lianhlira RIP pa) khan a naute chu, “Huphurh lutuk suh u, si li bak in phur lovang!”, a lo ti a ni awm e. Kan han inkhel ta ngei a, an Head sawi ang ngei chuan si li kan pe tak tak a; Sipai Lammual-ah ngei mai khuan kan khel a ni a, ‘Champion’ han nih chu nuam ve tak a ni. Lammual a\angin Chite kawngah khawtlangin Cup ropui kan zawn haw luih luih mai a ni. Khami kum kha Mautam kum a ni hlauh mai a, kan V/C ten khawtlang huap ruai an buatsaih thei ta lo erawh a pawi kan ti tlang hle.

Khatih hun lai khan Zemabawk kha Hockey-ah chuan kan sang hle a ni. Aizawl tlanga Cup leh Shield awm zawng zawng chu Zemabawk tlangval khan an hui deuh zel a ni. Chung hun laia kan inkhelthiam ka hriat ve hman te chu tuna la dam zingah chuan Pu Lalhmachhuana (Pu Vala) te, Pu Rothangpuia te hi an ni a, mual liam tawhte chu Pu Thangbuanga, Pu Te-awla (a \uanran an hrilhfak), Pu Hmangaiha, Pu Lalthanmawia, Pu Zasanga, Bhimoo-a (Gorkhali tlangval, Goalie thiam em em) leh mi dangte an ni a (Upa C. Ngurthanmawia hi tel ve \hin pha maw, ka chiang lo tlat).

Kan High Skul din hnu thleng pawh khan rei tak chu Zemabawk bitum kha an chak lo hle \hin. High Skul Sports-ah pawh 1971 khan Govt. Mizo H/S, Zoram Skul lian ber khu keini Private H/S te reuh t> khan kan hnehin kan Champion em bakah he Primary Skul kawt zawl hi a ni. Tuna Zemabawk Field hi la awm hek lo, sawi tawh angin Lal lal lai ata tawh he Tlang Veng zawlah hian Hockey Tournament buatsaih \hin a ni a, Lal Rohrenga Sailo khaw ho- Sihphir, Muthi, Zokhawsang, Beraw leh Zemabawk te he Field-ah hian lal uapna hnuaiah an lo inkhel mup mup tawh \hin a, Rohrenga lalram infiamna hmunpui a lo ni tawh \hin a ni. Heng zawng zawng hre pha tan chuan helai Tlang Veng zawl hi hmun namai a ni lo va, tuna a Veng neitu lungrual ‘Tlang Veng Welfare Committee’-in mumal nei taka infiam nan chauha humhalh an tum pawh hi tih awm tak, \halai chauh lo infiam ngaina mi tan chuan thu lawmawm a tling a ni. An tum ang hi puitlin ngei se a \ha ang.

 

Zirtirtu kha pahnih chauh kan nei a. Pakhat zawk chu a hming bulah pawh Zirtirtu niha lungawi leh chhuang em em, Zirtirtu lamtawi ‘Ztu.’ dah hlen ngat ‘Ztu. Saptawna’ a ni a. Ani khan Arts lam a buaipui thung a, Skul naupangte music leh faina thu-ah nasa fein a kaihruai thung a. Zirtawpni chawhnu zawng chu Music zir nan leh hla zir nan kan hmang a, Skul \henawma mite hian kan zai chu ngaihnawm ti em em hian an lo chang \hin a ni. Ztu. saptawna kha Music/Solfa-ah Pi Zaii hnuaia Matric pass a lo ni bawk a, Skul naupang zinga Music mi deuh chuan Solfa pawh an thiam phah khawpin ka hria. Khatih huna kha Skul-a lut kha chuan zai pawh an ngaina a, thiam pawh an inti ve; entir nan- ‘Aw, Lal Pathian’ (How Great Thou Art) tih hla hi, Kohhran Hlabu-a a chuan hma 1958 khan Pu Tawna ho khan kan thiam daih tawh (Liandala lehlin hlim, lehkha phek hlanga awm, tuna KHB. No. 18-na, Muka nena an hming chuang dun nen hian a lehlin dan tlem tlem a danglam). Anni pahnih thawk dun kha chu an chungah khawtlang pawh kha an lungawi hlein ka hria.

 

vengchhung

Posted by Zirlai Tlangau on June 22, 2013 at 1:40 PM Comments comments (0)

Mitthi

Rambuatsaiha (38) s/o JS Chunga, AL Road-a awm chu Dt.29.8.2013(Ningani) khan a boral a, a ruang hi lumenpui anih hnu-in Thlanmual No. II ah vuiliam a ni.

G. Zakama (62) Middle School veng-a awm chu Dt.31.8.2013(Inrinni) khan a boral a, a ruang hi Thlanmual No. I ah vuiliam a ni.

Badminton Tournment

Zemabawk Badminton Club chuan Badminton Tournament hlimawm tak Dt.2.9.2013 (Thawh\anni) a \an turin a buatsaih dawn a, hetiang hian Tournament hi siam tum a ni -

Veteran - Kum lam a upa tawh naran tan tel theih loh...a tel tur chi, min tihlimtute category lam pawl mah mah.

Men A - Khel thei pangngai a\anga thiam tawh ho telna tur.

Men B - Khel thar tan ho an tel thei ang.

Lucky Pair in double a khelh tur a ni ang. A pui miah miah khawp ang.

Lawmman tur ngaihtuah mek a ni, He tournament atan hian sum leng vel a tam khawp mai. Zing kar ah leh tlai lamah khelh \hin tur a ni ang.

Civic Action Programme

1st Bn. CRPF, Zemabawk chuan Dt. 26.8.2013 (Thawh\anni) khan an Camp-ah Civic Action Programme an buatsaih leh a, he hunah hian Zemabawk, Zemabawk North, Thuampui leh Tuirial/Airfield Branch YMA te FOOTBALL SET man tam tak tur chu a free in semchhuah a ni. CRPF te hian Civic Action Programme hnuaiah hian hun hmasa lamah pawh, Stationary set, First Aid kid, Football tournament, Water Filter, Computer, etc te kan veng tan an lo sem tawh bawk.

Kickboxing ah lawmman dawng

18th National Kickboxing championship, Kolkata-a neih zawh takah Mizoram aiawha tel kan veng tlangval pahnih te chu medal an rawn hawn ve ve a, C.Hualzidinga s/o C.Lalchhawna, Middle School chuan Silver medal a dawng a, Albert C.Vanlalhruaia s/o C.Sangzuala, Dinthar veng chuan Bronze medal a dawng bawk.

Electoral Roll

Electoral Roll Summary Revision-a thun thar te ID Card mahni bialtu BLO hnenah lam theih a ni a, Transfer leh siamthat ten Election Office ah lam tur a ni.



Rss_feed