Zirlai Tlangau

Zemabawk Students' Union Chanchinbu Kartin Chhuak

SPORTS - MSTA & Jacob Fanai

Vidic leh Ferdinand hun tawp a hnai - Alex Ferguson
Manchester United Manger Sir Alex Ferguson chuan hun rei tak chhunga United tlarhnung tichaktu atana a hman dun \hin United Captain nimek Nemanja Vidic leh Rio Ferdinand te chu an hun hnuhnung a hnaih tawh thu a sawi. Serbian defender \ha Vidic phei hi chu nilai zan Champions League-a Real Madrid an hmachhawn pawh khan a tello nghe nghe a ni. United boss Sir Alex chuan Vidic chungchang sawiin,“Ka thil tih te hi ka tidik chiah em chu ka inhre chuang bik hauh lo, kar tawpa Everton kan hmachhawn \um khan \ha tak in a khel thei a, team a\anga paih tawp hi chu thil har tak a la ni. Dik tak chuan Real Madrid hmachhawn tur player thlan kha ka tan chuan thil har tak a ni ” a ti. Ferguson chuan nilai zan inkhel thlir letin  Real hmatawng te \ha taka dang bet theia khel a defender te fak zuiin,“Tunah zet chuan Jonny Evans pawh defender rintlak tak a ni ta, a khelh dan te a puitling ve \an ta a, ka lawm khawp mai. Defender naupang tak tak te hi rinthiam an har duh khawp maia, mahse Evans te ang defender ka kawl hi chu ka inchhuang khawp mai, a theihna tak tak kan la hmuh zel ka beisei” a ti.


Torres hian mahni inrintawk a mamawh - Benayoun
Benayoun chuan Fernando Torres chu fuihin mahni inrintawkna nei turin a duh. Benayoun leh Torres te hi Liverpool-a Rafa Benitez-a hnuai a\ang daih tawh khan an lo inkawm daih tawh a ni. Israeli international Yossi Benayoun chuan kum hnih kaltaa Stamford Bridge-a lut a \hianpa hi beidawng lo a \an la zel turin a duh. Loan a West Ham-a a khelh zawh hnu a Chelsea-a kir leh Benayoun chuan Torres-a chungchang sawiin,“Hun khirh tak mai a tawng mek a, Stamford Bridge-a a luh tirh khan a khelh ve theih hun tur thlirin a awm ve tawp mai a ni a, mahni inrintawkna a hloh hman pawh hi thil ni ve thei tak chu a ni. Ka ngaih ve danah chuan a bul a\ang daih tawh khan Chelsea hian Torres-a tan hian kawng an tihchhiatsak a ni” a ti. A tir a a khelh \hatlai a\anga khelhna hun tam zawk Chelsea lamin an pe lo khan a hun tawn hi a thlen tir mekah ngaiin Torres chauh hi dem chi ah Benayoun hian a ngai lo a ni. Israel team Captain pawh lo ni tawh Benayoun chuan sawibelhin,“Torres hi Liverpool ah khan striker \ha tak mai a ni a. Penalty area-a ball a chan tawh chuan kan thla muang hliah hliah \hin. Mahse Chelsea-a aluh tirh khan Drogba khelh \hat vanglai nen an in nang chiah a, hei mai bakah hian pound maktaduai 50 zeta an lei avang pawh khan atan hian thil hi a awl lo a ni. Torres hi a nihna ang tak kha nih tir leh Chelsea hian an duh a nih chuan tun a\anga hun \ha an pek belh deuh deuh a ngai a ni” a ti. Toress hian December thla khan game ruk a khelh ah goal sarih a thun a, mahse Krismas hnu a\ang kha chuan game 13 a khelh ah goal khat chiah a thun a ni. Hetihlai hian Benitez paw’n Torres chhanin,“Mi zawng zawng hian striker chu goal thun turin an beisei vek a, hei hi thil theih a ni reng bik lo a. Torres hian goal a thun loh pawhin team tan hian a thawh hlawk \hin hle a ni” a ti.

Bale aia Walcott thlangtu Arsene Wenger
Arsenal manager Arsene Wenger chuan Gareth Bale aia Walcott a thlang ta zawk kha a inchhirloh thu a sawi. Arsenal scout te chuan kum 2006 khan Southampton FC ah teenager pahnih \ha tak tak an hmuh thu Wenger-a hnenah an thlen a, hemi kum vek hian Walcott hi Wenger hian a lei nghal a, an \henawm Tottenham in kum 2007 khan Bale hi an lei ve thung. Hemi chungchang hi Wenger chuan sawiin,“Khatih hunlai khan a theih phawt chuan Walcott leh Bale te hi an pahnih a lak mai kha kan duh a. Mahse  Walcott chauh kan la ta thei thung a, ka lawm hle a ni. Chutih rual erawh chuan Club zawng zawng hian kan tana \ha tura kan rin player lak tak loh hi chu kan nei vek tho a ni” a ti bawk. Wenger-a lei tak loh Gareth Bale hi a chet \hat chhoh em avangin media ho in Real Madrid star Cristiano Ronaldo leh Barcelona player ropui Lionel Messi te nena an khai khin mai chu,“An ti mah mah a ni, an ni ang player bik te nena huang khatah dah nghal mai chi a(Bale) niin ka la hre lo. Bale hian theihna chu a nei teh meuh mai, mahse chona tam tak hmachhawn tur ala nei a ni” tiin Wenger chuan a sawi. Hetihlai hian Tottenham manager Andre Villas-Boas chuan Welsh international Gareth Bale chu mi bik tak a nih thu alo sawi ve mek bawk. Bale hian free-kick pahnih ropui tak tak hmangin ninga zan khan Europa League White Hart Lane-a an khelh ah Lyon a hneh pui a, Bale hian game nga a khelh ah goal sarih a thun tawh a ni.


David Moyes hma hun chiang lo
Everton manager David Moyes chuan a hma hun chu May thla hnu ah a ngaihtuah chauh tur thu a sawi. Tun season bak hi David Moyes hian Everton-ah contract a nei tawh lo a, hemi anih avang hian a hma hun tur hi an inrinsiak nasa tawh hle mai a, mahse Moyes hian tun season tawp thleng Everton-a a awm ngheh tur thu a sawi a ni. David Moyes hian Everton hi March 2002 khan a zawm a, hetihlai hian Everton hi League-ah 15 an ni mek a ni. David Moyes chuan a contract neih lai ai maha a ngaih pawimawh zawk chu a team te game tina an khelh dan anih thu leh Cup match hrang hranga an chet dan anih zawk thu sawiin,“League game hrang hrang leh Cup match-a kan khelh dan hi tun dinhmuna pawimawh zawk chu a ni. Ka contract neihlai hi chu a hunah tak kan ngaihtuah mai ang. Everton tan ka theih tawp ka lo chhuah tawh a, ka chhunzawm zel bawk ang. Kan Club Chairman ka be tawh a, ka hma hun hi tuna sawifel mai chi a nilo a, \ha takin kan tifel thuai bawk ang” a ti. April thlaa kum 50 tling mai tur David Moyes hian kum 11 dawn chu Everton hi a cham chilh tawh a ni. Tun season kal mekah hian Everton hi League table-ah paruknaah an awm mek a, palina Tottenham aiin point rukin an hniam zawk bawk. Tun season kal mekah hian game 12 khelh tur an la nei a ni.